Stubo un lindo die, un pouco friu ye cierto puis stamos ne l Ambierno, mas mais parcie un die de Primabera.
Houbo ua montarie a las raposas, puis yá ampeçában a comer las pitas. Mas la associaçon de caça, todos ls anhos faç estas montaries para cumpensar la falta que bai habendo de coneilhos, que ténen morrido cun las malinas i para las quales inda nun se cunseguiu la bacina.
A la tarde houbo jogo de bola.
L Sendin a tentar marcar lougo cedo
La tarde staba buona i muita giente fui a ber l jogo. L Sendin tenie la oubrigaçon de ganhar yá que ye ua eiquipa muito mais spriente que la de l Carçon. Mas durante toda la purmeira parte nun mostrou la sue fuorça i l Carçon iba aguantando l 0-0.
Sendin atacou mais i falhou mesmo un penalte
Apuis de l’anterbalo l Sendin bino mais cunciente que tenie mesmo que jogar mais i poderie tener marcado mais golos, mas solo cunseguiu un.
Sendin – 1
Carção – 0
Mais ua falta peligrosa a fabor de l Sendin
L Carçon fizo un bun jogo i dou ua liçon al Sendin de cumo se debe jogar, cun buntade i tentando todo para cuntrariar la maior fuorça del Sendin. Ne ls últimos minutos poderie mesmo tener ampatado. Que l Sendin tenga daprendido la liçon par ls jogos defíceles que ende bénen.
L Carçon a tentar ir para lantre
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
