De l die 28 al die 30, la AEPGA (Associaçon para l Studo i Portecion de ls Burros), an Atanor, fizo ua oufecina para muitos studantes de medecina beternaira i beternairos anteressados ne l studo de ls porblemas de salude de ls burros.
La AEPGA ten la sede an Sendin, mas ye an Atanor que ten las percipales anstalaciones.
Ls partecipantes a oubíren un specialista
L hoije stube alhá i cuntatou cun ls studantes de medecina beternaira de la Faculdade de Medecina Beternaira de l Porto, que stubírun alhá a daprender.
Por eilhes soube que la oufecina tubo bários specialistas, que dórun leçones de:
-Medecina dentaira de burros
-Reproduçon animal
-Medecina perbentiba
-Situaçon de la raça de burros de l praino
A daprender a tratar de ls burros
Hoije, l die fui de poner an prática l que daprendírun i de ber cumo ls specialistas fazien las cousas.
Tamien stubimos alhá a ber cumo se colhie la sangre, cumo se tratában ls cascos i quales ls percipales porblemas que poderien aparcer.
A ber la splicaçon de las malinas de ls cascos
Muitas atibidades se ban fazendo porqui i la maior parte de la giente nin se dá cunta. Mas l hoije bai todos ls dies mostrando que inda hai quien luta por estas tierras.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
