Anganhei-me a screbir i teneis que sperar pul testo.
Até ls retratos quedórun trocados.
Muito se fala deste die, mas poucos sáben donde ben l ser die 1 de Abril, l die de anganhos.
De todas las stórias que se cúntan, la que parece mais cierta ye la la que diç que todo ampeçou an Francia ne l anho de 1564, faç 444 anhos que esto se passou.
"L anho nuobo era comemorado an Francia ne l die 25 de Márcio cun la chegada de la Primabera i iba até l die 1 de Abril. L rei Carlos IX mandou que l die de anho nuobo passasse a ser ne l die 1 de Janeiro, mas houbo giente que cuntinou a comemorar l anho nuobo cumo dantes. Anton ls outros fazien caçoada deilhes por que stában anganhados."
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
