Mais un jogo de bola para l çtrital de la Associaçon de Bragança. L die staba cumo ls dies de Márcio deste anho, cum malo calantriç.
L jogo ampeçou cun l Argoselo a dominar até a la meia hora, mas apuis l Sendin eiquilibrou l jogo.
L jogo staba eiquilibrado
L anterbalo chegou i l 0-0 mantenie-se. Na segunda parte l Argoselo buolbiu a fazer todo para ganhar, mas l Sendin lutaba cun gana i fazie marcaçon home a home.
Marcaçon home a home
A 15 minutos del fin l 0-0 parcie que nun se iba a altarar. L Argoselo nun conseguie marcar un golo i l Sendin fui ganhando animo i poderie tener marcado. Mas l Argoselo nun se cunformaba i passou a jogar por bezes a la marge de l que serie de aceitar.
La rudeç del jogo
L Sendin nun se deixou assustar cun la dureç del jogo i fui aguantando i poderie mesmo tener ganhado l jogo. Mas l resultado final fui:
- Argoselo - 0
- Sendin - 0
Quien pagou fui l arbitro que oubiu chamaren-le de todo. Mas sin rezon.
Este testo stá screbido cun l- an ampeço de palabra, a la moda de l mirandés de Sendin, cunsante la 1ª. Adenda a la Cumbençon Ourtográfica de la Lhéngua Mirandesa.
