QUIEN DIRIE!...
Yá ls bielhos dezíen:
Deixa l maior saco de pan,
Pal més de San Jan!…
Ora nun acunteciu este anho, que por cousa de l precio de l gaç, ibamos tenendo que mos baler de que teniemos an casa?
Las gazolineiras yá nun teníen gaç i ampeçaba la giente a tener miedo que faltássen las cousas.
La gazolineira sin naide
Mas se para uns las cousas son malas, hai siempre outros que gánhan, ye la lei de la bida. Namora aporbeitou para fazer obras na sue gazolineira i bien falta fazie, que yá staba a parecer mal, ne l meio de Sendin, ua gazolineira a la moda antiga. Bamos a ber se agora queda ua cousa bien feita.
Staba mesmo a percisar de ser cumposta
Las obras parécen grandes
L més de Junho nun ten benido mui malo até porque nun ten chubido muito, ten feito friu, mas l que faç mais mal ye la nubrina i muita chuba. Percipalmente de l meio de l més para lantre. Chuba de San Juan, tira bino i nun dá pan!...
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
