Repersentou-se hoije an Sendin, ua bobada mediabal . Para muita giente puode parecer ua cousa stranha, mas trata-se de ua pieça de teatro para rir. L títalo de la nuoba, an pertués, yá bos puode ajudar a entender melhor. Este nun se trata de ambentar nomes, mas de screbir cumo la giente mirandesa chamaba a essas repersentaçones.
L autor i ansaiador, cun ls atores
La pieça era an mirandés i l títalo de la pieça ye D. Joan I i fui repersentada para ls alunos de la scuola, mas asintírun tamien muito pais i porsores. Ye un ampeço i speramos que outras se repersénten i que als poucos se baia aperfeiçoando todo, para l mirandés ser cada beç mais ua léngua an todo.
La assistência
Habie bastante giente
Sendin cuntina bibo i ls nuossos moços i moças, assi cumo ls de las tierras alredor de Sendin, partecípan cun alegrie an todo, l que mos deixa cuntentos quando al feturo. Pena ye que quien stá fuora nun se anforme bien i ampece a ber Sendin cumo ua tierra moderna i nó ua tierra cumo zde ls tiempos que yá anhos que passórun.
L anunciador
Era buono que l anunciador fusse tamien por ende a anunciar que la eidade média inda mora an muitas ounibersidades i cabeças de anteletuales, onde se habie de fazer ua reboluçon, para que quien manda ou quier mandar, salido desses sítios, puoda antender la bida, an que stamos.
La muorte de l conde Andeiro
Las tropas de Nuno Álbares Pereira
Na pieça nun faltou la panadeira de Aljubarrota, nin Juan de las Regras. Todo fui mui bien feito i la boubada dou mesmo para rir.
E ste testo stá screbido cun l- an ampeço de palabra, a la moda de l mirandés de Sendin, cunsante la 1ª Adenda a la Cumbençon Ourtográfica de la Lhéngua Mirandesa.
