L G.D.Sendin tamien faç formaçon çportiba, cun l’apoio de la Câmara i este anho antrou ne l campeonato çtirtal de anfantiles cu nua eiquipa de que tamien fázen parte ninos de aldés alredor de Sendin, Picuote i Funte Aldé dan trés jogadores para la eiqupa. Son las anstituiçones que fázen por la buona cumbibéncia antre las aldés.
Antes de l jogo ampeçar tamien fázen l calecimento
Las eiquipas de Sendin i Moncorbo
L campeonato yá ampeçou ne l’outro Demingo i l Sendin fui ganhar a Macedo por 3-1, hoije fui l purmeiro jogo an Sendin i solo fui pena l campo star gelado. L Sendin ten ua buona eiquipa i ls nuossos jogadores son muito mais fuortes l que faç cun que la eiquipa seia ua de las melhores de l çtrital. Por esso i apuis de la bitória an Macedo, nun fui de admirar la bitória de 14-1 subre l Moncorbo.
L purmeiro golo
L Sendin dominou l jogo todo
L Moncorbo apuis de mais un golo
Al anterbalo l Sendin yá ganhaba por 8-0, mas nun se puode dezir que ls jogadores de l Moncorbo nun sabien jogar, l que acuntecie era que ls ninos de l Sendin son mais fuortes i maiores que ls de l Moncorbo, inda tenemos ninos i balientes. L que mos faç falta ye que ls partidos miráren mais para Sendin que para eilhos i que nun ténten debedir-mos, mas inda hai quien liebe Sendin para lantre.
Ls jogadores de l Moncorbo tenien scuola
I ls nuossos tamien
Ne l fin todos salírun cuntentos por mais un jogo, pena que nun se faga un cumbibio antre todos. L campo yá bai percisando de ber ls balneários melhor porparados, porque ls nuossos ninos bien l merécen. I nun béngan dezir que nun hai denheiro.
Ls jogadores cumprírun
Todas estas einiciatibas ténen que ser apoiadas por todos i siempre ye ua manhana de Demingo que se passa melhor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
