L die apareciu friu, mas mui guapo por cousa de l cenceinho, que ye un de ls spetáclos mais anteressantes que la naturaleza mos apresenta. La niebe ye un spetáclo que todo mundo gusta de ber, mas para mi l cenceinho nun le queda a deber nada.
L cenceinho
Porque muitos nun teneis la ouportunidade de ber estas cousas, fui a tirar alguns retratos para berdes la belheç de las árboles cobiertas de gelo. Anton las oullibeiras de l Sagrado stában un ancanto.
L Sagrado
Para muitos l gelo i la niebe puoden nun ser mui agradábles, porque nun ténen cun se defender de l friu, mas la berdade ye que mesmo de las cousas malas se puode tirar algo de buono.
La naturaleza ten destas cousas
Se esto nun ye arte, yá nun sei l que ye arte. Por muito que quérgamos çtruir la naturaleza, eilha ten siempre modos de mos mostrar que stá ende, pronta a mostrar la sue fuorça i la sue belheç.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia -ão.
