Quando se pensa an arranjar modos de cumbatir la crise ye amportante dezir l que la copratiba ten feito para ajudar ls agricultores, mesmo contra ls que gustarien de ber cerrar la copratiba i que cuntínuam a la spera que todo acabe mal.
La Copratiba
Contra la politica de tierra queimada, que ye l que se quier fazer cun l’arranque de las binhas, que nun ten an cunta ls porblemas ambiantales nin la perserbaçon de l património bitícola, la copratiba luta por la recumberçon de las binhas..
L angenheiro Mota sclarece ls agricultores
Apuis de tener traído téquenicos a sclarecer ls porgramas para la recumberçon, la Copratiba apoiou ls agricultores que quejíran fazer la recumberçon de las sues binhas i antregou dues candidaturas, num total de quaije 80 ha , l que bai a traer un ambestimento de 800.000 euros.
L termo de binhas ne l Cabeço de l Rincadeiro
Todo l termo que se bei zde este cabeço bai a demudar cun l'arranque de las binhas i ye pena que nun se tenga apostado mais na recumberçon. Cum estes porjetos i l’apoio de la Copratiba son mais uns melhares de euros que bénen para Sendin, i nun ye para acabar cun l que tenemos, mas para melhorar-lo.
Esto deixará de se ber?
Para alhá de ls 800.000 euros de la recumberçon de las binhas, tamien porjetos de acerca de 500.000 euros fúrun apresentados al PROVER para la anstalaçon de un centro regional de recuolha de pordutos agricolas na Copratiba de Sendin. La Copratiba nun ye solo bino.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
