Mais ua tarde de çporto an que ls nuossos ninos de la scuola de futebol de l G.D. Sendin jugórun para l campeonato çtrital. L jogo fui an Binhais que yá trés anhos que partecipa neste campeonato i que ten ua buona eiquipa.
L Binhais tenie mais spriéncia
L Sendin ganhou an Macedo a la eiquipa local i apuis ganhou al Moncorbo an Sendin, mas desta beç, an Binhais fúrun surprendidos i tubíran la purmeira derrota, nun campo an buono stado de conserbaçon.
Ls ninos dl l Sendin lutórun bien
Yá bai sendo ua bergonha para Sendin, nun tener un campo cumo debe de ser. Ye amportante tener buonas condiçones para la formaçon de ls nuossos jogadores. I nun béngan a dezir que hai cousas mais amportantes que l çporto, porque todo ye amportante..
L çportibismo al final
Para ber cumo ye amportante l çporto ye ber la giente que trouxe a Mogadouro l Benfica, que bino a jogar Futsal. Fui ua tarde buona i que lebou muita animaçon a Mogadouro. L resultado fui de 5-5.
La tristeza de ls nuossos ninos
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
