Ye este un dito dels mais falsos que hai i que nun passa de un dito ambentado por ls que nada fázen i que de todo l que se faç ténen ambeija i para justeficar la sue atitude contra quien trabalha, ou las anjusticias que se fázen. Para nun tenéren que lutar contra eilhas i porque stan d’acordo, botan lougo mano deste dito, para se justeficáren.
Esto stá ne l Sagrado de Picuote
Muito se fala na “porca de Murça”, mas poucos sáben que Picuote ten ua cousa parecida. Fui la luta del pobo, que fizo cun que l berron , que staba nel museu de Bergáncia, tornasse para la sue tierra. An Ruolos hai la torre del sino, que serbie para tocar quando se queríen ajuntar ls moços del lugar. Alhi se cunserba.
La torre del sino, de Ruolos
Quantas cousas nun tenie Sendin i fúrun çtruidas? Quantas cousas aparécen i son scundidas? Todas las tierras ténen nels largos ou an sítios centrales, statuas ou outras cousas que lémbran la sue stória. Hai repersentaçones de sendineses amportantes an alguas tierras. Miranda ten l Pe. Mourinho (nacido i criado an Sendin). Bila Flor ten l drº. Francisco Guerra (tamien sendinés).
Ls mirandeses
Na praça de Miranda hai dues statuas de un mirandés i de ua mirandesa. Sabeis quien las fizo? Fui un sendinés de la rue de la Fráuga – José Nobre. Ls sendineses parece que fázen milagres.
Sendin ten talhos de piedra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
