Hoije fui die de çporto scolar an Bergancia i stubírun todas las scuolas de l çtrito, nua tarde de Sol i an que l percipal fúrun las probas de corta-mato para todas las eidades scolares, tanto de moços cumo de moças. Sendin stubo bien repersentado an todos ls scalones.
La chegada a Bergáncia
L HOIJE, cumo acuntece an muitas de las oucasiones an que stan sendineses, stubo alhá i desso bos dá la ambora. L Porsor Carlos i Dino acumpanhórun ls alunos durante las probas i Fátima quedou junto de la carreira, para dar apoio als alunos.
L Porsor Carlos i Dino
Ls alunos de las bárias scuolas
Las probas fúrun animadas i fui amportante ber la animaçon de ls moços i moças i l cumbíbio antre todos. Cumo l mais amportante ye la partecipaçon i porque las probas éran seguidas i al mesmo tiempo se íban antregando las medalhas, nun se podie star an todo l lado i deixei las classeficaçones para l jornal de la scuola, que bai a traer todo.
Ua proba de corta-mato
Ser porsor ye mais que mostrar que se sabe ou dezir que se ye porsor. Ye ser mais un ne l meio de ls alunos, ansinando i daprendendo. Ser amigo i respeitado, ser coincido i recoincido por todos cumo porsor.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
