Lhebados pul denheiro dels sucídios i por falta de anformaçon, porque, an beç de ua politica cumo deberie de ser, para arrancar l que nun daba rendimento i por outro lado ancentibar la recumberson i l’apoio a la culidade, fizo-se ua politica de tierra queimada. Mas manda quien puode i nó quien sabe.
Las máquinas yá ándan pul termo
La Copratiba fizo l que podie fazer i cunseguiu alguns buonos resultados, mas ye pena que se ancentíben i se deia apoio a quien nada mais faç, que benir de las cidades arrancar las binhas i lebar l denheiro, que habie de quedar eiqui ambestido, para meter ne ls bancos, que bun pago l darán.
L arranque deixa assi las tierras
Que ye que stá pensado para ser alternatiba al arranque? Hai siempre quien tenga buonas soluçones i aporbeite la oucasion para fazer plantaçones de árboles de fruito ou de plantas de la region, mas an beç de apoios crian-le porblemas.
Ye triste ber l fin de l trabalho de muita geraçon
Agora ye todo para porjetos, mas solo uns poucos sáben i aporbéitan esso, porque ls partidos ténen todo cuntrolado, bai a haber eileiçones. Yá hai muita ouferta de ampregos, muitas fileiras de giente a la spera. Nun bai a chegar para todos, muitos ban quedando a mal culs bezinos i ami(g)os. Nun ye cun giente desta que salimos de la crise.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
