BILA FLOR – 0
Apuis de ua parage por bias de ls jogos de la Taça de la AFB, de que l Sendin yá habie sido eileminado, cuntinou l Campeonato Çtrital i l Sendin ganhou al Bila Flor por 1-0. L jogo nun fui fácele porque l Sendin yá nun ten la maiorie de ls jogadores, que deixórun l G.D.S., porque alguns associados ls tratórun mal.
L Sendin fui mais fuorte na purmeira parte
Ls jogadores son amadores i por esso nun gánhan denheiro i jógan porque gústan de bola i cumo l Sendin nun ten moços a bibir acá para fazer ua eiquipa buona, hai que ir a buscá-los fuora i estes nun stan para ser maltratados. Sendin ten buonos jogadores, mas stan a studar i nun bénen siempre.
Na segunda parte l Sendin ampeçou bien
L Sendin ampeçou bien l jogo i aporbeitou para fazer l 1-0, mas ne ls últimos minutos de la purmeira parte, l Bila Flor yá ampeçaba a eiquelibrar l jogo i l anterbalo chegou na melhor altura. Na segunda parte l jogo fui eiquelibrado, cun l Sendin a sigurar l resultado.
Mais ua jogada de ataque de l Sendin
Ne ls minutos finales l Bila Flor fui melhor i poderie haber ampatado, mas la pouca suorte de outros jogos, que tocou al Sendin, desta beç tocou al Bila Flor i l resultado acabou por ser ajustado.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
