SENDIN – 2
Al ganhar al Sendin por 4- 2 l Morais ganhou l campeonato çtrital de futebol de la AFB i subiu a la 3ª Debison. Este jogo amostrou bien l mal que alguns sendineses, por cousa de ls partidos, fazírun a la nuossa eiquipa. Regressórun alguns de ls jogadores i l Sendin jogou ne l campo de l Morais de eigual para eigual.
L Sendin jogou bien, mas l Morais fizo la fiesta
L Morais ganhou l campeonto a quatro jogos de l fin de l campeonato, l que amostra la çfrença de la sue eiquipa para las outras, mas jogando an casa i querendo fazer la fiesta cun ua goleada al Sendin, biu l Sendin jogar de eigual para eigual i sofriu dous golos i biu la baliza stremecer mais dues bezes, cun remates de l Sendin als fierros de la baliza.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
