Ls alunos de la scuola primária de Sendin cun la colaboraçon de l Centro de Salude de Sendin, fazírun la marcha de l coraçon zde la scuola al campo de la bola, passando por las rues de la poboaçon, adonde passórun la manhana i almuorçórun.
Ls alunos ne l campo de la bola
L GDSendin puso las anstalaçones de l clube al serbicio de ls ninos i alhi realizórun outras atibidades ourientadas puls porsores i por la anfermeira Adelaide Martins, todas cun un sentido pedagógico birado para la persebraçon de la salude i la senseblizaçon de ls alunos para esses porblemas.
Porque l calor iba a ser muito, habie que dar un gorro a cada nino
Todos, yá culs sous gorros na cabeça, jogában l jogo mais popular
L HOIJE stubo mais ua beç presente porque ye l jornal de Sendin i alredores i ten que dar las amboras de l que se bai fazendo de buono na nuossa tierra. Cumo diç l dito: naide dá melhor al burro que l duonho .
La anfermeira Adelaide culs alunos
Por la tarde teneremos la bejita de l diretor de la Direçon Regional de la Agricultura de l Norte i tamien tenemos que star alhá, porque ls porblemas de ls agricultores ténen que ser tamien tratados de l melhor modo i dados a coincer, para bien de todos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
