Fui hoije la sesson para la aprobaçon de las cuntas de la Associaçon de Caça de la Tierra Caliente Mirandesa que se fizo na sede de la associaçon. Esta associaçon ten feito un buono trabalho i amostrou que porqui las associaçones funciónan i ténen resultados porque hai quien trabalhe para esso.
La sede de la Associaçon
Esta associaçon ten un sitio para criaçon de perdizes para fazer l repoboamento i cumprou la casa adonde ten la sue sede. Las cuntas apresentórun un resultado positibo i quedou yá aprobado fazer ua conelheira para criaçon de coneilhos brabos i poder fazer tamien l repoboamento.
La Assamblé Giral
Tamien houbo eileiçones para ls corpos diretibos que son ls seguintes:
Assamblé Giral
Presidente – José Almendra
Secretário – Hélder Preto
Vogal – Vítor Pêra
Cunseilho Fiscal
Presidente – César Gonçalves
Secretário – Vítor Rodrigues
Vogal – Pedro Ferreira
Direçon
Presidente – Eduardo Fernandes
Secretário – Nuno Rodrigues
Tesoureiro – Carlos Quitério
Vogal – Orlando Ferreira
Vogal – Manuel Matias
Ye cun alegrie que, para estas associaçones onde se trabalha mais que ganha, hai giente capaç para las lebar para lantre.
L Presidente
L HOIJE deseia a todos que cuntínen a trabalhar para l bien de l Praino i para que la associaçon puoda cuntribuir cada beç mais para la preserbaçon de la caça.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
