Muito se fala na léngua mirandesa i la maior parte de las bezes cumo que se stubisse a mostrar ua cousa rala, ua cousa a modos que l parque jurássico , quando la léngua ye yá ua realidade bien biba i l HOIJE puode dezir-lo porque todos ls dies centenas de pessonas l léien. Mas l HOIJE ten la oubrigaçon de ir mais loinje i ye l que bamos a fazer.
Adelaide Monteiro a cabalho na burra
Son yá muitos ls scritores de léngua mirandesa i hai-los por todas las aldés de l Praino que todos ls dies ban screbindo i publicando an blogs, testos de grande balor literário, mas que hai que tornar mais coincidos i para esso, l HOIJE ampeça a dar-los a coincer, son homes i mulhieres que scríben por gusto, nun mirandés scorreito i libré.
Faustino Antão
La purmeira ye ua poetisa mirandesa de grande balor, natural de la Speciosa , l segundo ye un scritor que, cumo naide, sabe poner nun testo la bida de l Praino i ls balores de la giente mirandesa, ye de Zenízio. L terceiro, José Esteves de Palaçuolo, poeta popular a quien yá chamamos l António Aleixo de l Praino i Cristóvão Pires (Cecilio), de Sendin, que para alhá de screbir, fizo l tradutor de pertués-mirandés.
http://student.dei.uc.pt/~crpires/tradutor/Tradutor.html.
Cecilio
Cada beç ye mais amportante criar algo que tome cuonta de la léngua i que defina ua politica cun reglas, para todos tenéren possiblidades eiguales i acabar cun la politica de l caso a caso. Ls libros nun puoden ser para ls eiditores ou de ls outores, mas destes para ls leitores. Nun púoden ser para aparecéren solo an dies de fiesta.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
