Stamos ne l percípio de ua nuoba temporada i yá mexe l futebol. L HOIJE ancuntrou l sócio númaro 1 de l G.D. Sendin a rondar l Stadio de l Dragon, ne l Porto. Porque manhana hai eileiçones para el G.D. de Sendin, tratemos de saber se habie algua relaçon antre la besíta i las eileiçones.
L sócio n.º 1 a rondar l Stádio de l Dragon
L HOIJE, cumo qualquiera jornal çportivo, i nós durante l anho acumpnhemos siempre la atibidade çportiba, dando las amboras todas las semanas, procuremos sacar a limpo ls rumores que hai, de se cuntratáren nuobos jogadores.
Quando salie de la SAD
Falemos cun l sócio de l G.D. de Sendin, que mos garantiu que nun se trataba de cuntratar jogadores, nin de porparar nanhue candidatura a las eileiçones, mas antes tratar de saber de las possiblidades de poder criar cundiçones para ua possible ajuda a la direçon que ganhar las eileiçones.
A falar para L HOIJE
Hai que ber la possiblidade de se poner la yerba ne l campo i fazer ua cobertura al campo mais pequeinho, para se poder treinar ne l'ambierno i antrar ne l campeonato de Futsal. Ua parcerie cul F.C.Porto serie amportante, mas poderá ser cun outro clube que mos deia algues cundiçones. Todo bai tamien depender de las eileiçones para la Junta de Freguesie i de la Cámara. Ls candidatos ténen la palabra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
