Ciego nun ye solo l que nun bei, mas mais inda l que nun quier ber. Oubimos dezir que Pertual ye un paiç probe i que l Praino ye ua de las regiones mais atrasadas i nun fáltan mesmo, ls que defénden esso cumo ua berdades absoluta.
Esto ye l Praino
Quando la cuntestaçon a la sociedade de consumo ganha nuobas formas, ls que la cuntéstan, dízen que stamos atrasados porque falta ne l Praino l que tanto cretícan na cidade. Todo nun passa de ua lhuita antre la gana de queréren ser parte dessa sociedade i la sue ancapacidade para l cunseguíren.
Dous ceguonhicos
Mas l Praino todos ls anhos bai criando riqueza, mantenendo la naturaleza saludáble adonde las andorinas, las rolas i las ciguonhas inda bénen todos ls anhos a criar ls sous filhos. Mas, i l que ye mais amportante, bai dando al mundo giente cada beç mais cualeficada, mais séria i hounrada.
Las froles de l campo
Ye na nuossa giente i na preserbaçon de ua naturaleza limpa que se debe apostar, porque son la nuossa maior riqueza i l de que mais balioso hai no mundo. Para quei, ls centros culturales, ls teatros, ls parques, las stradas, las fábricas, se squecemos la giente?
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
