Pals sendineses tanto dá, obras publicas ou pribadas hai de todo, inda que alguns atéimen a dezir que nun hai nada, que nada se faç. A esses preguntamos nós:
- Que fazeis bós por Sendin?
Esta ye ua obra na parte nuoba
I esta na parte bielha
Porque se dan las nuobas de las fiestas i de las cousas buonas, ala de falar acontra la anternete, mas nós falamos de todo i eiqui stamos a amostrar que tamien se trabalha i se fázen cousas nuobas i se manténen ls ampregos i se cria riqueza. Nun deixamos morrer l que tenemos, fázen falta cousas, mal nun era tener todo.
Ua obra publica
Naide, an nanhun lado i an nanhun paiç, ten todo l que quier, que nun ye l mesmo de l que faç falta i ye possible tener. Ten que ser l pobo a dezir l que faç falta i nó meia dúzia de pantomineiros, que bénen cun cousas ampossibles i que nada mais ténen an anteçon que nun seia arranjar amprego para quien nun l cunsigue doutro modo.
Ua casa moderna
Ls berdadeiros sendineses ban trabalhando i amostrando al mundo que Sendin cuntina cumo ua de las mais amportantes tierras de l Praino.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
