L G.D.Sendin fizo hoije la sesson de la Assamblé Giral para aprobar las cuntas de la época de 2008/2009 i eilegir ls nuobos corpos diretibos. Las cuntas fúrun aprobadas por ounanimidade i cousa rala, an clubes de futebol i inda por riba an tiempos de crise, cun saldo positibo.
Un die de jogo de bola de l Sendin
Aprobadas las cuntas fizo-se la eileiçon de ls nuobos corpos diretibos i cumo bai sendo uso, an sendin, zde que nun se antrométan ls partidos i ls que solo pénsan neilhes, fui eileita ua direçon cun giente de todos ls quadrantes políticos, mas berdadeiros sendineses i ami(g)os de sendin.
L nuobo presidente (Nuno Rodrigues)
Ls nuobos corpos diretibos son ls seguintes:
Assamblé giral
– Fernando Pires
- Sérgio Carção
- Luís Viana
Cunseilho Fiscal
- André Almendra
- Vítor Ferreira
- Isidro Afonso
Direçon
- Nuno Rodrigues
- Carlos André
- Orlando Galego
- António Machado
- José Maria Gonçalves
- Luís Peres Marcos
- Jorge Aleixo
Ls percipales diretores de la anterior direçon fázen parte tamien de ls nuobos corpos diretibos, sendo de notar que quedórun ne l Cunseilho Fiscal, talbeç porque tenien mais jeito para tratar de finanças que de futebol. Mas inda bien que todos soubírun acupar l sou lugar.
L presidente cessante (André Almendra)
Agora cabe a todos ls sendineses uníren-se, assi cumo fazírun ls diretores, para fazer de l G. Çportibo un grande clube.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
