Apuis de un fuogo tan fuorte, l termo quedou sien jeito. An beç de l berde, l negro tomou cuonta de todo ou quaije todo, porque inda quedou l que l’home teima an trabalhar, mesmo cun prejuízo próprio.
Ye assi antre Teixeira i Palaçuolo
Al outro die inda se bie fumo i sobreiros cun centenas de anhos cuntinában a arder por todo lado, ls bumbeiros mantenien l alerta para que nun tornasse a ampeçar de nuobo por las bordas adonde teníen pegado ne l fuogo.
Este fuogo bieno amostrar l que ye un termo sien gente i l que ye ua politica sien alma.
Ne l’outro die inda se bie arder
Quando se pensa solo ne l lucro de uns poucos, squece-se l prejuízo de muitos. Ajudar la giente a tratar de l termo ye ambestir ne l progresso i ne l bien de todos. L que se perdiu i l que se gastou para apagar l fuogo, bastaba para cunserbar l termo. Gastou-se para quedarmos sien nada, melhor fuora se se tubisse gasto para l tener bien tratado.
Ye pena ber assi l termo
Mas la bida cuntina i que todo sierba de licion para l feturo ye l que speramos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
