Quando todos sperában que la Compratiba yá nun tubisse ubas, por bias de las binhas que se arrincórun, bino ua campanha normal que fizo cun que las binhas que se arrincórun pouca anfluéncia beníssen a tener para la laboraçon de la Compratiba.
Houbo muita uba i de buona calidade
La giente cuntinou a fazer bino a la moda anti(g)a, mas cumo la Compratiba ten merecido la cunfiança de ls associados, todas las que nun necitában para eilhes, antregórun-las a la Compratiba i mesmo ls que nun las antregában ou las bendíen para outros lados, passórun a meter-las na Compratiba.
Lembrais-bos de las pisar assi?
Ye cun trabalho i ourganizaçon que se cunsigue que las cousas funciónen bien para se mantenéren ls puostos de trabalho de mais de ua dezena de pessonas i se fazer cun que ls nuossos agricultores téngan mais un pouco de rendimento i l paiç tenga mais riqueza.
Habie filas cumo yá muito nun se bien
Fui amportante ber tamien ls associados mais anti(g)os i ls que stában algo anraibados cun la Compratiba , buolbéren a ber neilha la sue Compratiba.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
