L Tratado de Zamora fui l resultado de la cunfrência de paç antre Fonso Anriques i l rei Fonso VII de Lion i Castiela , a 5 de Outubroe de 1143 , marcando giralmente la data de la andependência de Pertual .
L Tratado de Çamora fui assinado antre ls reis D. Fonso Anriques de Pertual i D. Fonso VII de Lion i Castielha, que bai recoincer que l Cundado Portucalense passa a ser Reino i D. Fonso Anriques passa a ser l rei ó “rex” de l Reino anton criado.
La assinatura de l tratado
A 5 de Outubre de 1910 fui proclamada la Republica i Pertual que tenie un rei, sendo por esso ua monarquie, passou a ser ua republica i durante ls purmeiros anhos houbo muita deficuldade an gobernar l paiç debido a las mudanças politicas i inda hoije, passados que son 99 anhos, las cousas cuntínan deficeles.
Purmeiro presidente de la República
L die 5 de Outubre ye l die de l porsor i por todo l paiç hai bárias fiestas i comemoraçones cun special segneficado este anho apuis de la luta de ls porsores por la denidade de la porfisson i de l sou statuto.
L cartaç de las comemoraçones nua scuola de Lisboua
Puode parecer que las comemoraçones de l porsor nessa scuola pouco tenerán a ber cun nós, mas fui nessa scuola que you fiç ls purmeiros anhos de l liceu.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
