Falar ye fácele fazer ye mais defícele, mas cuntina-se a prometer muita cousa an tiempos de eileiçones i yá bai sendo tiempo de mirar para l que se faç ou se poderie fazer i tamien ne ls que stando na oubrigaçon de fazer ou onde l podíen fazer, nun l fázen, ou por nun sabéren ou por falta de eideias.
L bideo de hoije amostra bien l que ua Associaçon fizo para ajudar l comércio tradecional, an Bregáncia. Sendin tamien stá nun tiempo de mudança i de mirar caras a un feturo cumo Bila de zambuolbimento regional.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
