La formaçon ten sido ua de las apostas de la UE para l zambuolbimento. Dar nuobas ouportunidades a las pessonas de daprendéren i aumentáren ls sous conhecimentos ye algo de mui amportante, inda mais quando ye para giente que nunca l puodo fazer antes.
Tie Albertina, de San Pedro, fizo l nono anho i fui na sue léngua que apresentou ls sous trabalhos, fizo eisame i quedou bien. Tamien mos quijo grabar este bideo adonde cunta la sue spriéncia de bida. Cuido que todos gustareis de oubir l que mos quijo dezir i que ye mais un decumento mi rico subre la nuossa léngua.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
