Esta fui la X bejita bitibinicola de la APH i este anho scuolhírun l Praino para ber las nuobas binhas i porbáren ls nuossos binos. La bejita serbiu tamien para cuntatáren cun la nuossa léngua, l nuosso folclore i coincéren las cousas mais amportantes de la nuossa tierra.
La bejita a la Copratiba
La bejita a la Copratiba tubo cumo parte mais amportante la porba de ls binos, mas apreciórun l aporbeitamento que se dou als balones de l bino, adonde se fizo la mostra de ls binos i onde apreciórun tamien ua sposiçon de ls retratos de ls gueiteiros de que hai nuobas i que fui amprestada por la Casa de la Musica.
La porba de ls binos drento de un de ls balones
A la nuite houbo ua cena ne l restourante “O Encontro” adonde para alhá de apreciáren la puosta mirandesa, bírun dançar ls pauliteiricos de Miranda i scuitórun ua anterbençon de l porsor Almendra que les falou de la nuossa léngua i amostrou alguns bideos cun la fala de la raia, de l mirandés central i de l sendinés.
Ls pauliteiricos de Miranda
Durante la dança de ls pouliteiricos i na sue anterbençon, l porsor Almendra falou tamien de la dança de ls palos i dou ua splicaçon de cumo se dança para melhor antendéren ls lhaços i las buoltas i rebuoltas.
Durante l die bejitórun tamien las fábricas de las facas i la tanoarie, an Palaçuolo.
La bejita a la Casa de la Musica fui tamien mui apreciada.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
