Fui ua fiesta eimotiba la qu'hoije ajuntou miles d'almanes na zona alredor de las puortas de Brandenburgo, na comemoraçon de ls 20 anhos de la derribada de l muro de Berlin. La Fiesta de la Libardade , cumo fui batizada, cuntou cun bários cumbidados eilustres: líderes stóricos cumo Mikhail Gorbachob i Lech Walesa, mas tamien figuras de Stado de 30 países, ancluindo las quatro poténcias qu'admenistrórun Berlin, passado l final de la II Guerra Mundial. Houbo inda cumbidados speciales an palco: cidadanos que bibírun la separaçon de las dues Alemanhas, i figuras cumo Muhammad Yunus, l prémio Nobel de la Paç de 2006. Nin la muita chuba fizo zistir ls que, durante horas, acumpanhórun las comemoraçones, que decorrírun an bários puntos de la cidade.
Berlin an fiesta
La nuite terminou cun fuogo d'artefício i cun cuncertos na Potsdamer Platç, ua de las praças mais amportantes de la nuoba Berlin modernizada.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
