Fui an Sendin que grabemos este bideo quando ls pauliteiricos de Miranda dançában para un grupo que mos bejitaba i que tubo ua nuite cultural adonde stubírun l que de melhor tenemos para quien mos bejita. La puosta, la léngua i la musica (bien representada puls pauliteiricos de Miranda.
Para ls que quejíren daprender, deixo-bos la letra del lhaço que dançórun i que podeis ir lendo al mesmo tiempo que scuitais i bedes la dança:
A LA BERDE RETRAMAR ,
SOLICO ANDAR, BERDE BERDIN!...
A LA SELOMBRA D ’AQUEL OULIBAL,
SOLICO ANDAR MIU AMOR DRUMINDO.
A LA SELOMBRA D ’AQUEL OULIBAL,
SOLICO ANDAR MIU AMOR DRUMINDO.
RETENTE EIQUI, RETENTE EILHI,
MOLIDAGAN, MOÇO GALAN, CORREGIDOR, CORREGIDOR!...
PALA CÁRCELE ME LHEBARÁN PRESO,
SI POR AMOR I NÓ POR TREIDOR!...
I NÓ POR TREIDOR.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
