L friu que se deberá mantener até a la próssima quinta-feira oubriga a tener muito cuidado para eibitar acidentes. Tenga subretodo atençon als ninos i als mais bielhos.
Fuora de casa:
1. Se cunduzir, percipalmente an stradas mais afeitas a la formaçon de carambelo, tenga cuidado cul suolo slúbio i ande debagar.
2. Se salir a la rue use bárias camadas de roupa an beç dua única pieça de roupa spessa, eibitando tamien l'uso de roupas mui agarradas, que fágan sudar.
3. Tenga cuidado cun las atebidades físicas qu'oubrigan l coraçon a un maior sfuorço, porque púoden cunduzir a un ataque cardíaco.
4. Tenga atençon als senhales d'heipotermie (cuorpo friu cun tremuras, piel roixa i falta de reaçon). Se tubir algun destes sintomas ligue eimediatamente pal 112.
5. Use gorros (ó outro tipo de proteçon) ua beç qu'ua buona parte de la calor corporal perde-se pula cabeça.
6. Use lubas.
7. Mantenga las sues roupas secas trocando las pieças molhadas se neçairo.
Drento de casa:
Calcer la casa puode atiçar fuogos ó dar ourige a antoxicaçones, por esso, tenga cuidado cul calcimento de la sue casa.
1. Tape bien jinelas i puortas.
2. Faga siempre quemidos calientes.
3. Tenga cuidado cul lume an locales cerrados i sin renuobaçon d'aire, la cumbuston perduç monóxido de carbono, que ye un gáç mortal. Se fazir lume, ponga un resguardo própio para eibitar que qualquiera chiçpa salte para fura.
4. Nunca use gaç, gasolina ó álcol para acender l lume.
5.Tenga atençon als calcedores debido al peligro d'acidentes domésticos, nomeadamente a la subrecarga de ls quadros eilétricos.
6. Nun seque la roupa ne l calcedor i afeste-lo de cortinados, roupa ó mobílias porque puode dar ourige a un fuogo.
7. Se tubir aire cundicionado, tenga cuidado al salir a la rue, porque la defrença de temperatura puode dar ourige a un choque térmico. Zligue l'aire cundicionado meia-hora antes de salir i tape-se bien.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
