Datrás, la maiorie de la giente pouco conhecie de la doçarie que hai hoije i se conhecie nin tenie modos de la tener. Mas nun me anganharei se dezir que, ne l die de fiesta de la tierra, quaije todas las casas tenien ua trabiessa de arroç-doce para comer. Muitas son las receitas de arroç-doce que hai por ende i era amportante saber cumo l fazie la maior parte de la giente de l Praino.
L bideo amostra ua receita para quien nun puode comer cun muito açucre i cun leite gordo i fui esto que me fizo poner eiqui este bideo. Que pena nun haber adoçante, hai 60 anhos, nó por cousa de ls “diabretes”, mas porque la giente nin tenie cun que cumprar l açucre i nun haber leite magro, para nun tenéren de l’ajuntar auga, para gastáren menos. Mas sabeis ua cousa, l arroç-doce datrás sabie muito melhor!!.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
