Caiu la purmeira nebada de l anho ne l nuosso termo, mas nun fui eigual an todos ls cunceilhos, nin an todas las aldés, parece que l cunceilho de Miranda quedou na raia de la nebada i Sendin pouca niebe biu, solo a purmanhana se bíen las rues i ls telhados albos de niebe, mas nin dou para fazermos un boneco. Mas an Bergáncia la niebe yá fui mais i ye d’alhá l bideo que bos amostramos.
Porqui bamos.mos cuntentando cul friu, que tamien faç falta, inda que seia solo para curar ls fumeiros i para la giente se arrimar al lume. Ye berdade que hai giente que nin tenerá leinha para se calcer, nin casa a la moda de fazer lume, mas la maiorie siempre aprobeitará para saborear l cunsolo que ye arrimar-se un al lume nun die de friu.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
