YÁ SABIE?
Este si que ye un trabalho bien feito por las outoridades, que ye l de anformar las pessonas para tenéren atento ne l que dében saber quando cómpran ciertos pordutos an Spanha. Cumo stamos na raia, muitas bezes bamos a mercar cousas al outro lado i nin pensamos que podemos star a fazer algo de arrado. Pus este bideo puode ser útele, por esso l pongo eiqui para quedardes a saber l que las outoridades splicórun a la giente que passaba ne l IP4.
Todos gustamos de craticar l que stá mal, pus l HOIJE tamien gusta de amostrar l que stá bien feito. I yá agora, se podirdes, dezi als ami(g)os que nun bírun este bideo para quedáren a saber tamien.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
