La LOCALVISAO , siempre que hai nuobas amportantes de ls cunceilhos de l nuosso çtrito, faç siempre ua reportage que todos poderán ber ne l sitio de la localvisao, mas l HOIJE , para facelitar la giente de l nuosso cunceilho i de todos ls que mos bejítan tols dies, pon eiqui ls bideos de todas las que fálan de nós. Assi passamos a ser un sitio adonde podeis ber l que de mais amportante se passou ne l cunceilho de Miranda i de ls outros de l Praino, assi cumo las amboras de sendin.
Quantas bezes oubimos falar de acuntecimentos amportantes ou amboras de Sendin i nun las ancuntramos, pus agora ye benir al HOIJE i podeis saber l que se bai passando porqui. La câmara de Miranda bai a fazer atibidades durante las bacanças para ls ninos i tener-los acupados anquanto ls pais trabálhan.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
