Parece que la niebe bino para quedar, mas parece algo ambergonhada porque ten miedo de se amostrar pul die. A la nuite aparece chena de fuorça i pul die zaparece lougo. La SIC filmou-la inda era nuite i andou misturada cun eilha toda la purmanhana. Bamos a ber se esta nuite torna a tornar.
Estes bideos son aporbeitados pul HOIJE porque ye para nós un modo de dar las amboras para ls nuossos bejitantes, que doutro modo nunca las poderíen ber bien. Dá muitas bezes nas telbisones, mas siempre hai quien nun stá atento ou las bei a correr. Eiqui podeis ber todo melhor i las bezes que quejirdes. Quantas bezes nun dezis que dou esta ou aqueilha ambora, mas nun podeis dezir bien cumo fui. Pus ne l HOIJE , podeis siempre ber-las quando quejirdes. Ye Sendin i l Praino a la mano de sembrar .
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
