Cumo ben sendo uso, todos ls anhos la Copratiba faç la cena de Natal para ls ampregados i diretores i cumo siempre tamien, todo corriu a las mil marabilhas. Nun faltou de quemer i todos stában cuntentos por ber que merecírun bien la cena yá que, mesmo tenendo an cunta l’anho de crise, la Copratiba cuntinou a crecer i a aumentar ls puostos de trabalho.
Ls retratos nun quedórun mui bien, mas dá para ber la buona cumbibéncia antre todos. Porque l tiempo andaba rebuolto, ls sócios cun 50 anhos de associados nun stubírun presentes nesta cena porque la eidade de alguns nun acunselhaba andáren por meio de la nuite na strada, i la maiorie era de fuora de sendin. Quedou para un tiempo melhor, mas la garrafa de ls 50 anhos alhá le será antregue an casa.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
