Todos ls anhos se faç, ne l die 26 i ne l Sagrado, la tradicional matancia de l cochino. Hai un grupo de sendineses que formórun ua associaçon, que trata de la matancia. Nun bamos a poner eiqui ls retratos de la matancia de l cochino, porque ye todos ls anhos eigual. Mata-se l cochino i chamusca-se tal qual l fazíen ls nuossos abós hai mais de 50 anhos i aporbeita-se la fogueira de l Natal, para se assáren ls garrotes. La fiesta dura todo l die i ye un modo de todos cumbibíren até a la nuite. Cumo pul mundo hai muito sendinés que gostarie de star eiqui, bou a poner ls retratos de ls que stubírun, para que ls que stan loinje se lémbren de la fiesta i podéren, bendo ls retratos, pensar ne ls tiempos passados i tamien béren ls amigos.
Este fui l que matou l cochino
Luís era l chefe
Este grupo nunca falta
João staba mesmo cuntento
Ls mardomos
Giente nun faltaba
Estes dous nun parában de quemer i bober
Apuis destes retratos pouco mais hai que dezir, ls que stais loinje yá sabeis l que perdeis por nun benirdes a la matancia, mas pul menos, l HOIJE stá siempre presente para bos amostrar cumo fui.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
