Mais un die de futebol de la AFB , mas l Sendin nun jogou este Demingo porque fizo l jogo ne l die 20, die de taça de que l Sendin yá fui eileminado. L Sendin fizo l jogo ne l die 20 para ls jogadores podéren tener bacanças ne l Natal i Anho Nuobo. Die 3 yá torna a jogar i bai a Talhas. Este anho la eiquipa stá bien treinada i todos speramos que ne l fin de l campeonato staremos antre ls melhores.
Nun jogou l Sendin, mas jogou l Mirandés i ye de l jogo VINHAIS – MIRANDÊS l bideo que bos amostro hoije. L HOIJE tamien stá atento al çporto de l Praino i las nuossas eiquipas tamien ténen un sitio adonde podereis ber las reportaiges de ls jogos.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
