Agora quaije que hai un die mundial de todas las cousas, até parece que ye un modo de arranjar nuobas para ls jornales, mas ye amportante que haba estas nuobas pul menos para la giente tomar cuncéncia de ciertas cousas amportantes ua beç ne l anho. De tan preacupados cun las lides de la bida, nin paramos un rato para pensar i hai que pensar tamien i tomar sentido an todo, para nun mos queixarmos de que las cousas acuntécen sien que mos darmos cunta.
Este bideo ten la sue amportáncia para pensardes se bale la pena tomar café. Ye berdade que tamien serbiu para nós darmos mais ua ambora i fazer cun que l HOIJE cuntine na buossa cumpanha, mas ye amportante para quedardes a pensar, porque tomar xá an beç de café nun ajuda muito, se ye porque l café bos faç quedar nerbosos até porque l xá faç l mesmo eifeito. Agora l xá ye melhor se fur para tratar de algua malina, mas hai que saber de que yerbas ye l xá . Mas mirai que un cafezico faç siempre bien, cun regla i cun pouco açúcre.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
