MILHÃO – 4
Este fui un jogo que poderá quedar para la lhembráncia de muita giente por bárias rezones, ua para ber cumo se puode perder un jogo que se poderie tener ganho sien deficuldade i outra para de ua beç por todas, alguns sendineses daprendéren la liçon de la cruja, que solo tenie uolhos para ls sous filhos. Mas la percipal ye pensarmos que sendineses son ls que trabálhan, gústan i fázen por Sendin i nun son solo ls que nácen ou móran na bila.
L futebol ye mais que un jogo de bola antre dues eiquipas, ye tamien un çporto que debe ajuntar i traer pessonas a Sendin i tamien un acuntecimiento que lhiebe l nome de la nuossa bila a muitas tierras. Por esso la nuossa eiquipa ten que ser cumpetitiba i tener jogadores que gústen de jogar i de sudar la nuossa camisola. Sabemos que la direçon ten feito todo por l G.D.Sendin, mas nun puode tener jogadores, que pénsan mais neilhes que ne l clube.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
