L purmeiro abion mobido a einergie solar yá bolou. Pilotado pul alman Markus Scherdel, l'abion atingiu ls 1000 metros d’altura. L'abion, qu'an purmeira análeze se trata dun planador, fui custruído cun recurso a la fibra de bidro de carbono i ten ua anchura de 63 metros , pesando 1600Kgs i atingindo ls 70Km/hora. Tales dimensones sugíren que la sue ambergadura ye mui próssima dun abion comercial normal (Airbus A340).
L protótipo, apersentado na base melitar de Payerne na zona oucidental de la Suíça ye yá apuntado cumo un “porjeto bandeira” de la Comisson Ouropeia ne l campo de la sustentabelidade, i fui zambolbido cul apoio de la Agéncia Spacial Ouropeia i dua eiquipa de 60 angenheiros, specialistas an aeronáutica i einergie. ( Peopleware )
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
