Ls atores António Feio i José Pedro Gomes, dous de ls grandes nomes de l triato i que yá atuórun ne l çtrito alguas bezes, fúrun houmenagiados pula câmara de Bragança i José Pedro Gomes deleciou la giente cun ua nuite de riso, cumo el mui bien sabe. Cuido que todos bos lhembrais de las cumbersas de la treta que durante muito tiempo mos fazírun rir nas nuites de la telbison.
La câmara quijo que ne l salon de triato de Bergáncia quedassen ls nomes de ls dous atores, nua placa a lhembrar la sue passaige pul çtrito. Ne l bideo podeis ber ua pequeinha amostra de la nuite de l riso. Fui pena António Feio nun poder star presente, mas la malina nun l deixa tiempo para mais do que fazer todo por bibir. Deiqui l deseamos l melhor possible i que la spráncia nun l deixe zanimar.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
