Rializa-se ne l próssimo die 18 de Abril, a partir de las 10 de la manhana, l XV Cuncurso Nacional de oubeilhas de Raça Churra i l VI Cuncurso Cuncelhiu de l Perro de Ganado Strasmuntano ne l mercado de l ganado an Malhadas, Miranda de l Douro.
Cerca de 71 moços de l cunceilho de Miranda de l Douro recebírun onte pulas manos de l'eisecutibo eiquipamiento çportibo. Esta ye ua einiciatiba que pretende "stimular estes pequeinhos atletas pa la prática çportiba, neste causo l futebol", refire Artur Nuns, l'outarca mirandés. Para para alhá desso, "stamos a trabalhar para oumentar l númaro de moços pa la prática de la modalidade, atualmente tenemos eiquipas d'ampeçados, scuolas i jubenis", sublinha l'eidil.
Quien se mostrou sastifeito cula antrega deste eiquipamientos çportibos fúrun ls futebolistas, " ye mui fixe", diç de forma bibrante un de ls ninos. De referir, inda, que l'antrega acunteciu an Miranda de l Douro i na bila de Sendin.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
