Matadouro puode quedar an Sendin
L Matadouro prebisto para l Praino Mirandés puode quedar anstalado an Sendin, ne l cunceilho de Miranda de l Douro, tenendo an cunta que la localidade queda junto al feturo IC5. L'eiquipamiento, que tenerá lhinas d'abate para bobinos, caprinos, obinos i suínos eirá serbir trés munecípios: Miranda, Mogadouro i Bumioso. Serán ls trés munecípios a custear la obra, que preténden ber cumpartecipada por fondos quemunitairos, ne l ámbito de l Quadro de Refréncia Stratégica Nacional.
Ne l die 18 de Febreiro yá habiemos falado desso eiqui i parece que nun stabamos anganhados quando dezimos que l melhor sitio era an Sendin. Parece que ls presidentes de las três câmaras tamien assi pénsan i pul que coincemos, solo nun stá yá an Sendin porque la câmara de Miranda nunca cuncordou, mas ls tiempos mudórun i pensamos que agora nun haberá mais çculpas, yá que Mogadouro i Bomioso nada ténen an contra.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
