Quando onte screbimos que la chega de buis yá tenie tirado la dreita al jogo solteiros-casados nun fui por la sue amportáncia para las fiestas de l die de Páscoa, mas porque trai mais giente de outras aldés. Tamien nun era nuossa antençon deixar de dar la ambora de l jogo, mas porque ls retratos nun mos fúrun çponiblizados a tiempo.
Ls que hoije outelizamos son ls de Cecílio, que publicou ne l sou sitio ne l photoblog - http://www.photoblog.com/Sendim/2010/04/05/#45425-1270503774-1 .
L jogo ye siempre ua fiesta para ls sendineses i yá hai ls que ténen camisolas de la sue eiquipa i alguns culs sous nomes a la moda de l’Asterix.
Tamien hai ls que gústan de partecipar neste jogo porque dada la sue amportáncia para ls grandes clubes, que bénen a saber de ls melhores i pul que se puode ber puls retratos, hai yá dous apalabrados.
L Sendin spera ganhar l neçairo para la prócima época.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
