Ne l bideo de l die 1 amostremos la procisson de la Carreira i l cântico de l pobo nessa procisson, mas até la capielha de Santo Cristo ye cantado puls homes de ua maneira i pulas mulhieres de outra i apuis de la capielha trócan. Ye l coro de ls homes i de las mulheres, sien ansaios, mas que bén de cientos de anhos an que se faç la procisson que ye ua berdadeira obra d’arte musical.
Todas estas musicas fúrun recolhidas por muitos sendineses, cumo l drº. Manuel Fernandes, Eliseu Atanásio, Pe. Mourinho i por nós aquando presidente de la casa de l pobo. Muitas destas grabaçones ándan por ende i outras fúrun apropiadas por nun se sabe por quien, porque naide sabe deilhas ou poucos saberán. Hoije amostramos la procisson de l’Anterro i mais ua grabaçon ne l meio de l pobo.
Les retratos son de Cecílio cumo stá dito ne l bideo. Stan a preto i branco para melhor se ber l que era i ye la procisson. Para ber sien outro son alredror.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
