L HOIJE trai-bos mais ua beç un cachico de cultura i cun este bideo lembra-bos alguas cousas de l que se passou neste die i que ye siempre buono saber. Fui nun die 20 de Maio que Vasco da Gama chegou a la Índia i que Timor se tornou andependente i muito mais que bos lembramos cul bideo.
Mas tamien bai a quedar cumo l die an que ls pertueses pássan a tener que apertar outa beç l cinto, porque pegou la moda de l “torna a tornar”. Stamos siempre a porparar l feturo que nunca chega i assi bibimos anganhados to la bida, cumo se l presente nun fusse l tiempo que hai que bibir. Mas nun queremos eiqui culpar a naide, mas alertar las cuncéncias para que se pense mais an bibir l presente, que tratar dun feturo que nun ye nuosso. Tirar l quemer a quien ten fame para salbar a quien yá ten demais ye crime.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
