Acabou hoije l campeonato çtrital de futebol de la A.F .Bragança l G.D.Sendim recebiu l Poiares, eiquipa de Freixo de Espada à Cinta i l Sendin ganhou por 3-1 , mas nun fui un jogo fácele, porque la eiquipa de l Poiares apresentou ls sous melhores jogadores, que durante l anho nun púoden jogar todos ls jogos ou jógan cansados.
La eiquipa de l Poiares partecipa tamien ne l campeonato de FUTSAl, que se resliza als Sábados i ls jogadores de la eiquipa de futebol de onze, son na maiorie de la eiquipa de FUTSAL. Mas cumo l campeonato de FUTSAL acabou antes, ls jogadores yá púoden jogar l futebol de onze mais descansados. Jogar Sábado i Demingo nun ye para todos.
L Sendin fizo un campeonato mui eirregular, mas inda tubo cinco eiquipas abaixo na classeficaçon final. Ne l fin de l jogo i cumo ye uso tols anhos, la eiquipa, dirigentes i associados cumbibírun, na fiesta de fin de época, onde nun faltou de comer i beber.
La direçon trabalhou bien i para l sou primeiro anho merece l apoio de todos. Que cuntine a trabalhar cumo l fizo este anho i seremos candidatos als purmeiros lugares na 2011.
abiso : este testo stá screbido an sendinés, bariadade de la léngua mirandesa i, por esso, nun ten lh- an ampeço de palabra i, antre parénteses, aparece (g) que nun se lei, inda que l -on se leia –ão.
