Fúrun muitas las pessonas que mos pedírun para poner ne l HOIJE l bideo de l cuncurso de binos de Fuonte Aldé i cumo ls nuossos bejitantes ténen de ser bien tratados, fazimos-le la buntade, até porque ye tamien un modo de todos berdes l que se bai fazendo pul Praino.
Tamien las pequeinhas aldés de l Praino sáben ourganizar cousas i pormober las sues gientes i ls pordutos de la region. Tamien las antidades cumo l IPJ, la Cooperatiba de Sendin i la Câmara Municipal partecipórun na einiciatiba, para que todo tubisse corrido tan bien, cumo podeis ber pul bideo. Parabienes a la ACREFA que ourganizou todo i a las gientes de Fuonte Aldé.
